Pagmata na!!!

Kaluoy na mo aning mga pobre nga maglisod na gani og palit og utan nga sud-an sa kan-anan sa daplin.

Kagahapon nabalita na gyud nga patas-an na ang minimum nga plitehan sa tanang puj gikan sa 6.00 ngadto sa 6.50.

Maayo untag tumanon sa tanang driver ang paghatag og diskwento ngadto sa mga tiguwang ug mga estudyante.

Apan mas maayo kung ang atong kagamhanan mismo maoy maninguha nga kahatagan og solusyon ang kalisod sa panginabuhi ni juan dela cruz.Kahatagan og solusyon ang kamahal sa mga palaliton ug dili unahon ang kaugalingon nilang mga tiyan.

Panahon na nga atong ipadayon ang kawsa.Panahon na nga atong pangitaon ang kaangayan sa tanan, pobre man o dato.

Panahon na nga taposon ang sobrang pangomersyo sa edukasyon.

Taposon na ang tanang kalisod nga gibati ni juan dela cruz.

Panahon na alang sa pag-usab sa atong sistema sa pangagamhanan kung mao kini ang bugtong pag-agi aron masolusyonan ang tumang kalisod nga ato karong natagamtaman.

Sugbuanon,Pilipinhon pagmata na.