ninong na ko

Ganina man gyud buntag gibunyagan na gyud si dong basti. Siya ang ikaduha na ko nga pag-umangkon nga pursoso. Anak siya sa akong maguwang babaye nga si Inday Telyn ug ni Butsoy.

Ako man unta to maguwang lalaki ang pakuguson pero wala man siya nisugot maong ako na lang ang gihimong proxy.

Now i have a greater responsibilty ngadto kang dong basti.

Sige lang dong basti kung madato ni imo uncle dodong at the same time imo ninong hatagan ta ka sa tanang kaayohan.

Dong basti pagdali og dako kay magduwa ta og counter strike!!

epekto sa templates

Nakahinumdom pa ko atong lingaw pa ayo ko sa html nga ispent more time studying it than my lessons. I spent more time in it than doing my assignment better.
Ang ako gigamit atong panahona textpad ug html kit.
Pero karon asa na man tong akong kahago huhu. Nawala man murag buwa. Gikaon na sa bakunawa?
Kinahanglan na nakong mag-usab tangtangon na nako sa akong sistema ang pagka ningas kugon.
Wagtangon na nako ang pag-usik sa panahon sa mga butang nga walay pulos. Kay ang panahon walay mabalik niini kung mausik na. Sama ra na sa dungog nga kung mapuhag na padayon na gyud ang pagkawalay bili.
Ipadayon nako ang pagpangita sa kabag-ohan. Angay ipadayon. Ang silaob sa kabag-ohan atong sugnuran sa tanang panahon. Ipadayon natong ipakita nga ang usa ka aligato makahimo og dakong sunog.

ang mga gagmay sa makaluuoy manag-daog

Ganinang buntag sayo didto ko sa Cebu Normal University kay exam man sa ako manghod rong adlawa. Mga alas siyete pa gani sa buntag didto na mi sa atubangan sa gate sa CNU. Apan ang nakapait kay kaming mga nanguyog o nihatod sa among kapamilya nga motake og exam nagpabiling nagbarog sa gawas sa gate kay matod pa sa gwardya dili gyud daw mi pasudlon.
Apan kay lagi ang among nahimutangan anaa ra man sa gawas sa gate matag anaay sakyanan nga moagi kinahanglan pod ming mopadaplin.
Sakto na man unta tong wala mi pasudla ug wala pod mi hatagig stall aron malingkoran or mapahuwayan. Dili na pod tingali makiangayanon nga kami singka singkahan lang sa gwardya sa pagpadaplin.
Attention sa mga gwardya sa CNU gamayng respeto sa among mga taw. Ilabi na ikaw ang MF NUERA sa ASSAULT SECURITY gamay'ng respeto sa katawhan nga imong kunuhay gialagaran.